مرے پہلو میں رہ کر بھی کہیں رُوپوش ہو جانا
مجھے یوں دیکھنا اور دیکھ کر خاموش ہو جانا
قسم ہے چشمِ ذیبا کی مجھے بھولے نہیں بھولا
تجھے کلیوں کا ایسے دیکھ کر مدہوش ہو جانا
تجھے یہ شہر والے پھر مرے بارے میں پوچھیں گے
نظر سے مسکرانا اور پھر خاموش ہو جانا
زمانہ سانس بھی لینے نہیں دیتا ہمیں لیکن
ہمارے واسطے تم چین کی آغوش ہو جانا
نہ مجھ میں وصفِ موسیٰ تھے نہ میں محوِ تکلم تھا
مرا بنتا نہیں تھا اس طرح بے ہوش ہو جانا
مرے زخموں مرے نالوں کا اکلوتا محافظ ہے
مرے شانوں پہ تیرے ہجر کا بَردوش ہو جانا
سو اب اس نازنیں کی عادتوں میں یہ بھی شامل ہے
چمن میں رات کر لینا، وہیں گُل پوش ہو جانا
زین شکیل
mere pehlu main reh kar bhi kahi ro posh ho jana
muje youn dekhna aor dekh kar khamosh ho jana
qasam hai chashm e zeba ki muje bhoolay nahi bhoola
tuje kaliyon ka aisay dekh kar madhosh ho jana
tuje ye sheher walay phir mere baray main poochain gay
nazar se muskurana aor phir khamosh ho jana
zamana sansn bhi lene nahi deta hamain lekin
hamaray wastay tum chain ki aghosh ho jana
na mujh main wasf e moosa thay na main mehv e takallum tha
mera banta nahi tha is tarah be hosh ho jana
mere zakhmon mere naalon ka iklota muhafiz hai
mere shaanon pe tere hijr ka bardosh ho jana
so ab us nazaneen ki adaton main yeh bhi shamil hai
chaman main rat kar lena waheen gull posh ho jana
Zain Shakeel
No comments:
Post a Comment