میں کہ پھر روئے بنا رات نہیں کرتا ناں!
جب کوئی مجھ سے تری بات نہیں کرتا ناں!
میں اسے اس لئے ہر بات بتا دیتا ہوں
آئینہ مجھ سے سوالات نہیں کرتا ناں!
اس لیے اس کے سبھی جھوٹ بھی سچ مانے ہیں
وہ بنا روئے کوئی بات نہیں کرتا ناں!
پارسائی پہ مری اس لیے شک ہے اس کو
برملا میں جو کرامات نہیں کرتا ناں!
آپ بھی ویسے ہی پامال کیا مت کیجے
جیسے میں آپ کے جذبات نہیں کرتا ناں!
اتنے لوگوں میں مجھے یوں نہ دکھاؤ آنکھیں
اچھا بابا میں کوئی بات نہیں کرتا ناں!
زین شکیل
main k phir roye bina raat nahi karta naa
jab koi mujh se teri baat nahi karta naa
main usay is liye har baat bata deta hon
aaina mujh se sawalaat nahi karta naa
iss liye us k sabhi jhoot bhi sach manay hain
wo bina roye koi baat nahi karta naa
parsayi pe meri is liye shak hai us ko
bar malaa main jo karamaat nahi karta naa
aap bhi wese hi pamaal kiya mat kijay
jese main aap k jazbaat nahi karta naa
itne logon main mujhe youn na dikhao ankhen
acha baba main koi baat nahi karta naa!
Zain Shakeel
No comments:
Post a Comment