کچھ اس طرح مری قسمت سنوار دی گئی ہے
کہ دل میں آپ کی صورت اتار دی گئی ہے
کسی بھی شام سے اب واسطہ نہیں رکھنا
تمہارے وصل کی خواہش بھی مار دی گئی ہے
اگر یہ کوئی سنے گا تو کیا وہ سوچے گا؟
کہ ایک عمر کسی در پہ ہار دی گئی ہے!
میں دوستوں سے کہوں کیا کہ فکرِ دنیا بھی
کسی کی یاد کے صدقے میں وار دی گئی ہے
اب اس طرح سے اجڑ کر کہیں پڑے ہوئے ہیں
کہ جیسے ذات بھی جوئے میں ہار دی گئی ہے
زین شکیل
kuch is tarah meri qismat sanwaar di gayi hai
k dil main aap ki soorat utaar di gayi hai
kisi bhi shaam se ab waasta nahi rakhna
tumharay vasl ki khwakhish bhi maar di gayi hai
agar yeh koi sunay ga to kya wo sochay ga?
k aik umr kisi dar pe haar di gayi hai!
main doston se kahon kya k fikr e dunia bhi
kisi ki yaad k sadqay main waar di gayi hai
ab is tarah se ujjr kar kaheen paray huye hain
k jese zaat bhi juuye main haar di gayi hai
Zain Shakeel
No comments:
Post a Comment