کمال پر کمال، پھر کمال کر لیا گیا
ذرا سی بات تھی، بڑا ملال کر لیا گیا
میں خود کھڑا تھا منتظر کسی جواب واسطے
نہ جانے مجھ سے کس لیے سوال کر لیا گیا
یہ دو یا چار دن کا سوگ، سوگ ہے بھلا کوئی
تمہارے ہجر کو تو ماہ و سال کر لیا گیا
جو یادِ یارماتمی لباس پہنے آ گئی
تو عین رو کے آنکھ کو بھی لال کر لیا گیا
وہ جُڑ کے میرے نام سے ڈرا ہوا تھا سو مجھے
کہا، ذرا خیال کر، خیال کر لیا گیا!
چلو ہماری خیر ہے ابھی نہیں تو پھر سہی
تمہارے زخم کا تو اندمال کر لیا گیا!
ریاضتوں کا جو ثمر تھا اور کوئی لے گیا
ہمیں تو زین ؔیونہی بس نڈھال کر لیا گیا
زین شکیل
kamal per kamal phir kamal kar liya gya
zara c baat thi barra malal kar liya gya
main khud khara tha muntazir kisi jawab wastay
na janay muj se kis liye sawaal kar liya gya
yeh do ya chaar din ka soag soag hai bhala koi
tumharay hijr ko to maah o saal kar liya gya
jo yad e yaar matmi libas pehne agayi
to ain ro k ankh ko bhi laal kar liya gya
wo jurr k mere naam se dara hua tha so muje
kaha zara khyaal kar, khyaal kar liya gya
chali hamari kher hai abhi nahi to phir sahi
tumharay zakhm ka to indamaal kar liya gya
reyazaton ka jo samar tha aor koi le gya
hamain to zian younhi bas nidhaal kar liya gya
Zain Shakeel
No comments:
Post a Comment