دل سے نکلی ہے یہ صدا، مرشد
تیرا لیتا ہوں نام یا مرشد
بے کلی پل رہی ہے سینے میں
ہاتھ دل پر ذرا لگا، مرشد
کیوں فضائیں ہیں پُر فریب اتنی
خوشبوؤں میں ہے کیوں وَبا ،مرشد؟
توشہء عاقبت ملے مجھ کو
ایسی دے دے کوئی دعا، مرشد
تہنیت غم نے دی گلے لگ کر
یہ معمّہ عجیب تھا ،مرشد
جاگتی جوت ہے ترا چہرا
رُخ سے کاکُل ذرا ہٹا، مرشد
عمر بھر کو تمہارے پہلو میں
چاہئیے اک ذرا سی جا، مرشد
سامنا ہے مجھے رذالت کا
ہو کرم کی ذرا نگاہ، مرشد
آپ کے نام زندگی کر دی
اور کرتے بھی ہم تو کیا، مرشد؟
کوئی ، آنسو بھی پڑھنے والا ہو
ہم بھی روئے ہیں بے صدا ،مرشد
یوں لگا عالمِ نزع تھا وہ
ہو رہا تھا کوئی جدا، مرشد
ہم نے قصداً نہیں کیا کچھ بھی
ہم سے ہونا نہیں خفا، مرشد
اس طرح منہ تو پھیر کر مت جا
میری جتنی ہے، دے سزا، مرشد
سانس بھی ساتھ چھوڑ جائے گی
زندگی کیوں ہے بے وفا، مرشد
درحقیقت وصال ہے جیون
ہے فنا میں اصل بقا، مرشد
معاف کر دے تمام تقصیریں
مان بردوں کی التجا ، مرشد
زین شکیل
dil se nikli hai ye sada murshad
tera leta hu naam ya murshad
be kali pal rahi hai seenay main
hath dil per zara laga murshad
kiu fizayen hain pur fareb itni
khushbuon main hai kiu vaba murshad
tosha e aqibat milay mujh ko
aisi de de koi dua murshad
tehniyat gham ne di galay lag kar
yeh muamma ajeeb tha murshad
jagti joat hai tera chehra
rukh se kakul zara hata murshad
umar bhar ko tmharay qadmon main
chahiye ik zara c jaa murshad
samna hai muje rizalat ka
ho katam ki zara nigah murshad
ap k naam zindgi kar di
aor kartay bhi hum to kya, murshad?
koi ansu bhi parhne wala ho
hum bhi roye hain be sada murshad
youn laga aalam e naza tha wo
ho raha tha koi juda murshad
hum ne qasdan nahi kiya kuch bhi
hum se hona nahi khafa murshad
is tarah mou to pher kar mat ja
meri jitni hai de saza murshad
sans bhi sath chor jaye gi
zindgi kiu hai be wafa murshad
dar haqeeqat vasaal hai jeevan
hai fana main asal baqa murshad
maaf kar de tamam taqseeren
maan bardon ki iltijaa murshad
Zain Shakeel
No comments:
Post a Comment