درد سے رشتہ نبھانے کے لیے
رو پڑا تم کو ہنسانے کے لیے
یاد مجھ کو کیا نہیں کرنا پڑا
ایک تم کو بھول جانے کے لیے
میں نے سورج پر سیاحی پھینک دی
موم کا اک گھر بچانے کے لیے
آ گئی گرمی مرے جذبات میں
دیپ چاہت کا جلانے کے لیے
آپ کا ملنا ضروری ہے بہت
پھر ہمیں ہم سے ملانے کے لیے
رابطہ کرنا پڑا ہے نیند سے
خواب آنکھوں میں سجانے کے لیے
آ قسم سے لوٹ کر آؤں گا میں
آ مجھے واپس بلانے کے لیے
رنج میں بھی یاد کرتا ہوں تمہیں
بس ذرا سا مسکرانے کے لیے
یہ جو مجھ دیوار میںدر ہے کھلا
راستہ ہے تیرے آنے کے لیے
وہ یقیناً "کُن" کہیں گے دیکھنا
عرض کی تھی لب ہلانے کے لیے
بخت میں اک وصل تھا لکھا ہوا
ہجر کو سینے لگانے کے لیے
عشق تو ہوتا نہیں ہے دوستو
جیتنے یا ہار جانے کے لیے
اب تو بس یہ سوچتا ہوں رات دن
کیوں گئے تم یاد آنے کے لیے
زین شکیل
dard se rishta nibhanay k liye
ro para tum ko hansanay k liye
yad muj ko kya nahi karna para
aik tum ko bhool janay k liye
main ne sooraj per seyahi phenk di
moam ka ik ghar bachanay k liye
aa gayi garmi mere jazbaat main
deep chahat ka jalanay k liye
aap ka milna zaroori hai bohot
phit hamain hum se milanay k liye
rabta karna para hai neend se
khwaab ankhon main sajanay k liye
aa! qasam se loat kar aon ga main
aa muje wapis bulanay k liye
ranj main bhi yaad karta hon tumhain
bas zara sa muskuranay k liye
yeh jo mujh deevar main dar hai khula
raasta hai tere anay k liye
wo yakeenan "kun" kahen gay dekhna
arz ki thi lab hilanay k liye
bakht main ik vasl tha likha hua
hijr ko seenay laganay k liye
ishq to hota nahi hai dosto
jeetnay ya haar janay k liye
ab to bas ye sochta hon raat din
kiu gaye tum yaad anay k liye
Zain Shakeel
No comments:
Post a Comment