درد کو کر بحال ڈال دھمال
روح کا اندمال ڈال دھمال
یہ جو کانٹوں کی شال ہے مرے یار
اپنے کاندھوں پہ ڈال، ڈال دھمال
اب کبھی "تو" بھی ہو اتار غرور
خود سے "میں" کو نکال ڈال دھمال
جسم کا بوجھ ڈھو لیا مری مان
کر کے اب انتقال ڈال دھمال
بے سُری زندگی میں کیا ہے سرور
تال سے جوڑ تال ڈال دھمال
حسرتِ زندگی کا ڈھونگ بھی جھوٹ
چھوڑ رنج و ملال ڈال دھمال
مست ہو، ہوش کو فریب ہی مان
رقص کر خاک ڈال، ڈال دھمال
سانس بھی لے تو اس طرح مرے یار
دم دما دم دھمال، ڈال دھمال
زین شکیل
dard ko kar bahaal daal dhamal
rooh ka indamaal daal dhamal
yeh jo kaanton ki shaal hai mere yar
apne kaandhon pe daal, daal dhamal
ab kbhi "tuu" bhi ho utaar gharoor
khud se "main" ko nikaal daal dhamal
jism ka bojh dho liya meri maan
kar k ab intiqaal daal dhamal
be suri zindgi main kya hai suroor
taal se jorr taal daal dhamal
hasrat e zindgi ka dhong bhi jhoot
chor ranj o malal, daal dhamal
mast ho, hosh ko fareb hi jaan
raqs kar, khaak daal, daal dhamal
saans bhi le to is tarah mere yaar
dum dama dum dhaaml, daal dhamal
Zain Shakeel
No comments:
Post a Comment