چاند کو اور بھی نکھار ملے
وہ اگر تجھ سے ایک بار ملے
آج کا دن عذاب تھا سچ میں
آج تو تم بھی بے قرار ملے
شہر میں بھی عجب اداسی تھی
سارے چہرے ہی اشکبار ملے
کون حیرت سجائے آنکھوں میں
کون اب تجھ سے بار بار ملے
میں جو اپنے وجود سے گزروں
تو مجھے میرے آر پار ملے
میری حسرت ہے جب ملوں تجھ سے
تو مجھے محوِ انتظار ملے
کاش دریا مجھے عبور کرے
اور تُو مجھ کو میرے پار ملے
سبز جھولے کی لاج رکھ سائیاں
مجھ کو کاسے میں تیرا پیار ملے
زین شکیل
chaand ko aor bhi nikhar milay
wo agar tujh se aik baar milay
aaj ka din azaab tha sach main
aaj to tum bhi be qaraar milay
sheher main bhi ajab udaasi thi
saray chehray hi ashkbaar milay
kon herat sajaye ankhon main
kon ab tujh se bar bar milay
main jo apne wajood se guzron
tu mujhay mere aar paar milay
meri hasrat hai jab milon tujh se
tu muje mehv e intizaar milay
kash darya muje aboor karay
aor tu mujh ko mere paar milay
sabz jholay ki laaj rakh saiyan
mujh ko kaasay main tera pyaar miilay
Zain Shakeel
No comments:
Post a Comment