اکثر دل کا حال سنا کر روئے ہیں
اکثر کوئی بات چھپا کر روئے ہیں
ایسے رونا کون گنے گا بولو ناں
ہنسنے جیسی شکل بنا کر روئے ہیں
ہنستے چہرے دیکھ کے ہم نے جانا ہے
ہم ہی تیرے شہر میں آکر روئے ہیں
اب جو نا منظور ہے کم رونا سو ہم
دریا اپنی آنکھ میں لا کر روئے ہیں
ہر اک دکھ پر آج ہی ماتم کرنا تھا
ساری خوشیاں پاس بلا کر روئے ہیں
پہلے رو رو اشک بہائے پھر روئے
دیکھو ہم ترتیب لگا کر روئے ہیں
ایسے کیسے زین بھلا ہم رو دیتے
سب کو اب کی بار ہنسا کر روئے ہیں
زین شکیل
aksar dil ka haal suna kar roye hain
aksar koi baat chupa kar roye hain
aisay rona kon ginay ga bolo na
hansnay jesi shakal bana kar roye hain
hanstay chehray dekh k hum ne jana hai
hum hi tere sheher main aa kar roye hain
ab jo na manzoor hai kam rona so hum
darya apni aankh main laa kar roye hain
har ik dukh per aaj hi matam karna tha
sari khushiyan paas bula kar roye hain
pehle ro ro ashk bahaye phir roye
dekho hum tarteeb laga kar roye hain
aisay kese zain bhala hum ro detay
sab ko ab ki bat hansa kar roye hain
Zain Shakeel
No comments:
Post a Comment