wo jo lagta hai hamain jaan se pyara, pagal : poet zain shakeel

وہ جو لگتا ہے ہمیں جان سے پیارا پاگل

وہ ہے لاکھوں میں فقط ایک ہمارا پاگل

تیری دریاؤں سی عادت ہی تجھے لے ڈوبی

میں بتاتا بھی رہا یہ ہے کنارہ، پاگل

ہر کسی سے نہیں امید لگائی جاتی

ہر کوئی دے نہیں سکتا ہے سہارا، پاگل!

وہ بھی قسطوں میں دکھاتا ہے ادائیں اپنی

وہ بھی ہونے نہیں دیتا مجھے سارا پاگل

اس پہ کیا رونا، تمہیں کوئی سمجھتا ہی نہیں

مجھ سے آ کر تو کہو، میں ہوں تمہارا، پاگل!

ساتھ تم تھے تو ہمیں راس تھا پاگل پن بھی

اب ترے بعد کریں کیسے گزارہ؟، پاگل!

دور تم جب سے ہوئے تب سے ہمارے حصے

بس خسارہ ہے، خسارہ ہے، خسارہ، پاگل!

زین شکیل

wo jo lagta hai hamain jaan se pyara, pagal

wo hai lakhon main faqat aik hamara, pagal

teri daryaon c adat hi tuje le doobi

main batata bhi raha yeh hai kinara ,pagal

har kisi se nahi umeed lagayi jati

har koi de nahi sakta hai sahara, pagal

wo bhi qiston main dkhata hai adayen apni

wo bhi hone nahi deta mujhay sara pagal

is pe kya rona tumhain koi samjhta hi nahi

mujh se aa kar to kaho main hon tumhara pagal

sath tum thay to hamain raas tha pagal pan bhi

ab tere baad karain kese guzara? pagal!

door tum jab se huye tab se hamaray hissay

bas khasara hai, khasara hai, khasara, pagal!

Zain Shakeel