mistake : poet zain shakeel

Mistake

تن تنہا جو سنگ چلے تھے دنیا کے

تم نے پیچھے مڑ کر دیکھا ہی کب تھا

لہجوں میں بھی اکتاہٹ چھوڑ آئے تھے

اپنوں سے رتّی بھر دوری کیا معنی؟

میرے کمرے میں بے چینی کا ڈھولک

تک دھن تک دھن تک دھنا دھن بجتا ہے

اس پر رقصاں تنہائی تھیّا تھیّا

اور تماشا میرے ٹوٹے خوابوں کا

اور تمہاری تعبیروں کی تصویریں

چھوڑو ! اب یہ باتیں تم سے کیا کرنی

اب خود ٹوٹے تو احساس ہوا ہے ناں

کس نے تھاما ہاتھ ذرا بتلاؤ تو

کس نے آن لگایا اپنے سینے سے

کتنا میں تم کو سمجھایا کرتا تھا

اپنے ہی بس اپنے ہوتے ہیں آخر

تب میری باتیں بےکار سمجھتے تھے

اب روتے رہنے سے کیا ہو گا پاگل؟

یہ تو تم نے پہلے سوچا ہوتا ناں!

تم نے مجھ کو غیر ضروری سمجھا تھا!!!

زین شکیل

tan tanha jo sung chalay tha dunia k
tum ne peechay murr kr dekha hi kab tha
lehjon main bhi uktahat chorr aye thay
apnon se ratti bhar doori kya maani?
mere kamray main bechaini ka dholak
tak dhin tak dhin tak dhina dhin bajta hai
us per raqsan tanhayi thaiya thaiya
aor tamasha mere tootay khwabon ka
aor tumhari tabeeron ki tasveeren
choro! ab ye baten tum se kya karni
ab khud tootay to ehsaas hua hai naa
kis ne thama hath zara batlao to
kis ne aan lagaya apne seenay se
kitna main tum ko samjhaya karta tha
apne hi bas apne hotay hain akhir
tab meri baten be kaar samjhtay thay
ab rotay rehne se kya hoga pagal?
ye to tum ne pehle socha hota naa!
tum ne mujh ko gher zaroori samjha tha!

Zain Shakeel