ho k veeran chalay atay hain : poet zain shakeel

ہو کے ویران چلے آتے ہیں
ایسے بے جان چلے آتے ہیں

تیرے کُوچے سے انہی پیروں پر
ٹھیک ہے جان! چلے آتے ہیں!

دل پریشان ہوا رہتا ہے
لوگ حیران چلے آتے ہیں

تین دن خیر سے کٹتے ہیں تو پھر
ان کے مہمان چلے آتے ہیں

زین شکیل

chahat ka har sood khasara likhta main : poet zain shakeel

چاہت کا ہر سُود خسارہ لکھتا میں

کیا پایا کیا کھویا، سارا لکھتا میں

تجھ جیسا جب اور نہیں ہے کوئی تو

کیوں پھر اور کسی کو پیارا لکھتا میں

کیسے اپنے درد بھلا کر لوٹ آیا

تو نے جیسے مجھے پکارا، لکھتا میں

میں نے دُکھ نظموں میں لکھنا چھوڑ دیے

اُس کو تھا پر یہی گوارا، لکھتا میں

پہلے کہہ دیتے گر کھیل سمجھتے تھے

جا تُو جیتا، جا میں ہارا، لکھتا میں

لکھتا رہتا صبح و شام تِری باتیں

جی نہ بھرتا پھر دوبارہ لکھتا میں

دکھ بھی آخر اپنے ہی تو ہوتے ہیں

کاش کہ خود کو صرف تمہارا لکھتا میں

زین شکیل

chahat ka har sood khasara likhta main

kya paya kya khoya, saara likhta main

tujh jesa jab aor nahi hai koi to

kiu phir aor kisi ko pyara likhta main

kese apne dard bhula kar loat aya

tu ne jese muje pukara, likhta main

main ne dukh nazmon mainlikhna chorr diye

us ko tha per yehi gawara, likhta main

pehle keh detay gar khel samjhtay thay

jaa tu jeeta, jaa main haara, likhta main

likhta rehta subh o shaam teri baten

jee na bharta phir dobara likhta main

dukh bhi aakhir apne hi to hotay hain

kash k khud ko sirf tumhara likhta main

Zain Shakeel

ik tere khwab se jab bhi kabhi jagon, roun : poet zain shakeel

اک ترے خواب سے جب بھی کبھی جاگوں، روؤں

پھر ترے بارے کہیں بیٹھ کے سوچوں، روؤں

ایسے ہو جائے مرے غم کا مداوا شاید

تیری بانہوں میں کبھی ٹوٹ کے بکھروں، روؤں

کتنی روحانی محبت ہے نا؟ میرے درویش!

میں کہ جب جب بھی دعا میں تجھے مانگوں، روؤں

میری آنکھیں ہیں، مِرے اشک ہیں، میری مرضی

مسئلہ کیا ہے تمہیں؟ جب بھی میں چاہوں روؤں

اُس کی خواہش یہ سجاؤں گا عجائب گھر میں

میں اُسے چھوڑ کے جاتا ہوا دیکھوں، روؤں

زین شکیل

ik  tere khwab se jab bhi kabhi jagon, roun

phir tere baray kaheen beth k sochon, roun

aisay ho jaye mere gham ka madava shayed

teri banhon main kabhi toot k bikhron, roun

kitni roohani muhabbat hai naa, mere durvesh!

main k jab jab bhi dua main tujhay mangon, roun

meri ankhen hain, mere ashk hain, meri marzi

masala kya hai tumhain? jab bhi main chahon roun

us ki khwakhish ye sajaon ga ajayeb ghar main

main usay chorr k jata hua dekhon, roun

Zain Shakeel

jab bhi bechain hua karta hon : poet zain shakeel

جب بھی بے چین ہوا کرتا ہوں

اپنی حالت پہ ہنسا کرتا ہوں

اتنا آساں تو نہیں بُجھ جانا

اس لیے کم ہی جلا کرتا ہوں

سوچتا ہوں میں تجھے ہر لمحہ

تجھ پہ احسان کیا کرتا ہوں

ایک کمرے میں بسا لی دنیا

شہر میں کم ہی دکھا کرتا ہوں

تُو تو ہنس ہنس کے چلا جاتا ہے

میں پریشان رہا کرتا ہوں

اب میں اکثر ہی کئی لوگوں سے

اپنے بارے میں سنا کرتا ہوں

زین وہ کچھ بھی نہیں کہہ پاتا

میں بھی چپ چاپ رہا کرتا ہوں

زین شکیل

jab bhi bechain hua karta hon

apni haalat pe hansa karta hon

itna aasan to nahi bujh jana

is liye kam hi jala karta hon

sochta hon main tujhay har lamha

tujh pe ehsaan kiya karta hon

aik kamray main basa li dunia

shehr main kam hi dikha karta hon

tu to hans hans k chala jata hai

main pareshan raha karta hon

ab main aksar hi kayi logon se

apne baray main suna karta hon

zain wo kuch bhi nahi keh paata

main bhi chup chaap raha karta hon

Zain Shakeel

sheher se door bason sheher basanay k liye : poet zain shakeel

شہر سے دور بسوں شہر بسانے کے لیے

میں نے کیا سوچ لیا عمر بِتانے کے لیے

یہ بھی انداز ہے اک پاسِ وفا کا جاناں

تجھ کو ہر بات بتاتا ہوں چھپانے کے لیے

یاد آتے ہو تو دکھتی ہے رگِ جاں پل پل

اب تو لوٹ آؤ مجھے یاد نہ آنے کے لیے

وہ خداوند جہانوں میں تو آ سکتا نہیں

اور آتا ہے تو بس دل میں سمانے کے لیے

وہ بھی کیا لوگ ہیں احساس و جنوں سے عاری

شعر کہتے ہیں فقط نام کمانے کے لیے

مان جاتا ہے تو سینے سے لپٹ جاتا ہے

سو میں ناراض کروں اُس کو منانے کے لیے

زین شاید مجھے اس طور قرار آجائے

وہ اگر لوٹ کے آجائے، نہ جانے کے لیے

زین شکیل

sheher se door bason sheher basanay k liye

main ne kya soch liya umr bitanay k liye

yeh b andaz hai ik paas e wafa ka janan

tujh ko har baat batata hon chupanay k liye

yaad atay ho to dukhti ha rag e jaan pal pal

ab to loat ao muje yaad na anay k liye

wo khudawand jahanon main to aa sakta nahi

aor aata hai to bas dil ma samanay k liye

wo bhi kya loag hain ehsaas o junoon se aari

shair kehtay hain faqat naam kamanay k liye

maan jata hai to seenay se lipat jata hai

so main naraz karon us ko mananay k liye

zain shayed muje is torr qaraar aajaye

wo agar loat k ajaye na janay k liye

Zain Shakeel

kon sunay ga kook ri koyel : poet zain shakeel

کون سنے گا کُوک ری کوئل

چپ ہو جا مت ہُوک ری کوئل

لوگ کریں ہم معصوموں سے

کتنا سخت سلوک ری کوئل

اس کی خاطر کر چھوڑی ہے

دنیا بھی متروک ری کوئل

زلفیں ٹھنڈی چھاؤں جیسی

اُس کے نین ملوک ری کوئل

تَک تَک اُس کو مٹتی ناہیں

ان نینن کی بھُوک ری کوئل

زین شکیل

kon sunay ga kook ri koyel

chup ho jaa mat hook ri koyel

loag karen hum masoomon se

kitna sakht salook ri koyel

us ki khatir kr chorri hai

dunia bhi matrook ki koyel

zulfen thandi chaon jesi

us k nain malook ri koyel

tak tak us ko mit'ti naahi

in nainan ki bhook ri koyel

Zain Shakeel

jb bhi tum chaho muje zakhm neya detay raho : poet zain shakeel

جب بھی تم چاہو مجھے زخم نیا دیتے رہو

بعد میں پھر مجھے، سہنے کی دعا دیتے رہو

ٹھیک سے سوچ سمجھ کر مجھے رخصت کرنا

یہ نہ ہو بعد میں رو رو کے صدا دیتے رہو

اچھا ناں مان لیا عشق خطا ہے میری

جیسے تم چاہو، میں حاضر ہوں، سزا دیتے رہو

چھوڑ جاؤ گے تو رو دھو کے سنبھل جاؤں گا

پاس رہ کر مجھے غم حد سے سوا دیتے رہو

روٹھ کر وہ جو تمہیں خود ہی منا لیتا ہے

زین تم اس کو دعا سب سے جُدا دیتے رہو

زین شکیل

jb bhi tum chaho muje zakhm neya detay raho

baad main phir muje sehne ki dua detay raho

theek se soch samjh kar muje rukhsat karna

yeh na ho baad main ro ro k sadaa detay raho

acha naa maan lia ishq khata hai meri

jese tum chaho, main haazir hon, saza detay raho

chorr jao gay to ro dho k sambhal jaon ga

pass reh kar muje gham hadd se sivaa detay raho

rooth kar wo jo tumhain khud hi mana leta hai

zain tum us ko dua sab se juda detay raho

Zain Shakeel

hamain shikwa to hai is zindgi ka : poet zain shakeel

ہمیں شکوہ تو ہے اس زندگی کا

کہو اب کیا کریں اس بے دلی کا

ابھی پوری ہوئی کب بات پچھلی 

سوال اٹھا تمہاری بے رُخی کا

ہماری عمر پر پھیلا ہوا ہے

کسی کا ساتھ تھا بس دو گھڑی کا

سبھی چہروں پہ ہے اک موت چھائی

زمانہ ہی نہیں زندہ دلی کا

تمہارے بن ہوئی برباد کتنی

مجھے افسوس ہے تیری گلی کا

گنوا بیٹھا تمہیں مدہوشیوں میں

جنازہ پڑھ رہا ہوں بے خودی کا

مجھے خود داریوں نے زین، مارا

تماشا بن گیا بے چارگی کا

زین شکیل

hamain shikwa to hai is zindgi ka

kaho ab kya karen is be dilli ka

abi poori hui kab baat pichli

sawaal utha tumhari be rukhi ka

hamari umr per phela hua hai

kisi ka sath tha bas do ghari ka

sabhi chehron pe hai ik moat chayi

zamana hi nahi zinda dilli ka

tumharay bin hui barbaad kitni

muje afsos hai teri gali ka

ganwa betha tumhen madhoshiyon main

janaza parh raha hu be khudi ka

muje khuddariyon ne zain, maara

tamasha ban gya bechargi ka

Zain Shakeel

kha raha hai yakeen ko ajab sa gumaan, boltay kiu nahi : poet zain shakeel

کھا رہا ہے یقیں کو عجب سا گماں، بولتے کیوں نہیں؟

جل رہا ہے یہ دل اُٹھ رہا ہے دھواں، بولتے کیوں نہیں؟

اِ ک سوالی تھا، شب بھر سخی کا جو در کھٹکھٹاتا رہا

اور کہتا رہا صاحبِ آستاں، بولتے کیوں نہیں؟

اک زمانہ تھا سر پہ اٹھاتے تھے اور چومتے تھے قدم

اب تمہاری حمایت میں وہ آسماں، بولتے کیوں نہیں؟

کب تلک شہر والوں کے، میں ان سوالوں سے تنہا لڑوں؟

کس لیے چپ کھڑے ہو یہ تم میری جاں، بولتے کیوں نہیں؟

وہ جو میرے لیے اپنا سب کچھ لٹانے کو تیار تھے

اب کہاں ہیں سبھی وہ مرے مہرباں، بولتے کیوں نہیں؟

لوگ پیروں تلے روند دیتے ہیں اور دیکھتے بھی نہیں

زین جی بولنا ہو جہاں تم وہاں، بولتے کیوں نہیں؟

زین شکیل

kha raha hai yakeen ko ajab sa gumaan, boltay kiu nahi?

jal raha hai yeh dil uth raha hai dhuan, boltay kiu nahi?

ik sawali tha shab bhar sakhi ka jo dar khatkhatata raha

aor kehta raha saahib e aastan, boltay kiu nahi?

ik zamana tha sar pe uthatay thay aor choomtay thay qadam

ab tumhari himayet main wo aasman, boltay kiu nahi?

kab talak sheher walon k, main in sawalon se tanha larron?

kis liye chup kharay ho yeh tum meri jaan, boltay kiu nahi?

wo jo mere liye apna sab kuch lutanay ko tayyar thay

ab kahan hain sabhi wo mere mehruban, boltay kiu nahi?

loag peron talay rond detay hain aor dekhtay bhi nahi

zain ji bolna ho jahan tum wahan, boltay kiu nahi?

Zain Shakeel

kab tumhari misaal chahta hu : poet zain shakeel

کب تمہاری مثال چاہتا ہوں

بس تمارا خیال چاہتا ہوں

آ کے مجھ سے جواب لے کبھی تو

میں بھی کوئی سوال چاہتا ہوں

کیا عجب ہوں کہ رو سکا نہیں میں

اور آنکھیں بھی لال چاہتا ہوں

غم کا پودا سا ایک اُگ رہا ہے

اس کی بس دیکھ بھال چاہتا ہوں

 تیرے بکھرے ہوئے، میں اب مری جاں

اپنے شانوں پہ بال چاہتا ہوں

زین شکیل

kab tumhari misaal chahta hu

bs tumhara khyaal chahta hon

aa k muj se jawab le kabhi to

main b koi sawaal chahta hon

kya ajab hon k ro saka nahi main

aor ankhen bhi laal chahta hon

gham ka poda sa aik ug raha hai

us ki bas dekh bhaal chahta hon

tere bikhray huye main ab meri jaan

apne shaanon pe baal chahta hon

Zain Shakeel

kisi be dheyani main khoo k muj ko ganwa nahi : poet zain shakeel

کسی بے دھیانی میں کھو کے مجھ کو گنوا نہیں

میں ترا نصیبِ ازل ہوں اب یہ بھُلا نہیں

مِرے سینے لگ کے بہت ہی روئے گا دیر تک

ابھی رابطہ ترے غم کا مجھ سے ہُوا نہیں

ترے سوگوار دیے سکون سے سو گئے

میں وہی ہوں آخری دیپِ غم جو بجھا نہیں

مرا ساتھ دینا ہے گر تو ہاتھ کو تھام لے

مجھے لمبی لمبی کہانیاں تو سنا نہیں

جو میں حرف حرف میں درد بھی نہ سمو سکوں

تو یہ جھوٹ موٹ ہے شاعری، یہ عطا نہیں

ابھی عشق میں کوئی معجزہ نہیں ہو رہا

مجھے آئینے میں تمہارا چہرہ دِکھا نہیں

تجھے اس لیے ہی تو زین، چھوڑ کے وہ گیا

کہ تُو اب کی بار جو بے وقوف بنا نہیں

مِرے زائچے میں ملن بھی اُس کا نہیں لکھا؟

اے نجومی تجھ سے حساب ٹھیک لگا نہیں

میں کسی کو کچھ بھی نہ دے سکوں گا حریمِ جاں

کہ ترے سوا مِرے پاس کچھ بھی بچا نہیں

زین شکیل

kisi be dheyani main khoo k muj ko ganwa nahi

main tera naseeb e azal hon ab ye bhulaa nahi

mere seenay lag k bohot hi roye ga der tk

abi raabta tere gham ka muj se hua nahi

tere sogawaar diye sukoon se soo gaye

main wohi hon akhri deep e gham jo bujha nahi

mera sath dena hai gar to hath ko thaam le

muje lambi lambi kahaniyan to sunaa nahi

jo main harf harf main dard bhi na samoo sakon

to yeh jhoot moot hai shayeri, yeh ataa nahi

abi ishq main koi mojaza nahi ho raha

muje aainay mian tumhara chehra dikha nahi

tuje is liye hi to zain chorr k wo gya

k tu ab ki baar jo be wakoof bana nahi

main kisi ko kuch bhi na de sakon ga hareem e jan

k tere siva mere pas kuch bhi bacha nahi

mere zayechay main milan bhi uska nahi likha?

ae najoomi tujh se hisaab theek laga nahi

main kisi ko kuch bhi na de sakon ga hareem e jan

k tere siva mere pas kuch bhi bacha nahi

Zain Shakeel

hum ko to be haal kiya tha ishq k beri jogaan : poet zain shakeel

ہم کو تو بے حال کیا تھا عشق کے بیری جوگاں

کیسی کیسی بات بنا لی شہر کے سارے لوگاں

نازک نازک کم سن جندڑی، برسوں لمبے صدمے

بن دیکھے، بن سوچے سمجھے حشر اٹھایا روگاں

اب جو ہنس بھی دیں تو پہروں رونا پڑ جاتا ہے

مدت پہلے مار دیا تھا ہم کو یار کے سوگاں

دو روحوں کی یکجائی کو، جھیلا کرب مسلسل

درد مقدر کر ڈالا ہے روحوں کے سنجوگاں

دو دل والوں کی خواہش کو کون سمجھنے والا

پیروں میں روندا چاہت کو ان بے دردی لوگاں

زین شکیل

hum ko to be haal kiya tha ishq k beri jogaan

kesi kesi baat bana li sheher k saray logaan

nazuk nazuk kam sin jindri, barson lambay sadmay

bin dekhay, bin sochay samjhay hashr uthaya rogaan

ab jo hans bhi dein to pehron rona par jata hai

muddat pehle maar diya tha hum ko yaar k sogaan

do roohon ki yaktayi ko jhela karb musalsal

dard muqadar kar daala hai roohon k sanjogaan

do dil walon ki khwakhish ko kon samjhne wala

peron main ronda chahat ko in be dardi logaan

Zain Shakeel

phool rotay hain to deti hai duhayi titli : poet zain shakeel

پھول روتے ہیں تو دیتی ہے دہائی تتلی

تُو نے کیا سوچ کے پھولوں سے اڑائی تتلی

مجھ گُلِ ہجر زدہ کو تو ہوا نے روندا

مجھ سے ملنے کو بڑی دیر سے آئی تتلی

میری وہ رات بھی رو رو کے کٹی جب اُس نے

قید مٹھی میں مجھے کر کے دکھائی تتلی

میں نے بے رنگ سا کاغذ پہ بنایا اک پھول

اُس نے اِ س پر بھی محبت سے بٹھائی تتلی

ہائے، پَر نوچنے والے یہ تجھے کیا معلوم

کس قدر جتن سے ہم نے تھی کمائی تتلی

اپنی میّت کو کیا دفن اکیلے میں نے

میرے مرنے کی خبر بعد میں لائی تتلی

تم نے اک بار جو آخر پہ بنائی خط میں

خط جلا ڈالا مگر ہم نے بچائی تتلی

زین وہ رنگ محبت کے لٹاتی جاوے

مدتوں بعد بڑے وجد میں آئی تتلی

زین شکیل

phool rotay hain to deti hai duhayi titli

tu ne kya soch k phoolon se urayi titli

muj gul e hijr zada ko to hawa ne ronda

muj se milne ko bari der se ayi titli

meri wo raat bhi ro ro k kati jab us ne

qaid muthi main muje kar k dikhayi titli

main ne be rung sa kaghaz pe banaya ik phool

us ne iss per bhi muhabbat se bithayi titli

haye, par nochnay walay ye tuje kya maloom

kis qadar jatn se hum ne thi kamayi titli

apni maiyyat ko kiya dafn akele main ne

mere marne ki khabar baad main layi titli

tum ne ik baar jo akhir pe banayi khat main

khat jala daala magar hum ne bachayi titli

zain wo rung muhabbat k lutaati javay

muddaton baad baray wajd main aayi titli

Zain Shakeel

tumhain dil main utara ja raha hai : poet zain shakeel

تمہیں دل میں اتارا جا رہا ہے

سو یوں جیون سنوارا جا رہا ہے

اب اپنی ذات کے گنبد میں جاناں

فقط تم کو پکارا جا رہا ہے

تمہیں اب کیا بتائیں وقت کیسے

تمہارے بن گزارا جا رہا ہے

تمہیں ہر شعر میں ترتیب دے کر

غزل کا رُخ نکھارا جا رہا ہے

سبھی کہتے ہیں مجھ کو دیکھ کر یہ

وہ دیکھو غم کا مارا جا رہا ہے

نہیں یہ "وقت" لوٹے گا کبھی پھر

تم آجاؤ خدارا، جا رہا ہے!

ہمیں پاگل نہیں کہتے تو پھر کیوں؟

ہمیں پتھر سے مارا جا رہا ہے

ذرا مقدار چاہت کی بڑھا لو!

بتاؤ کیا تمہارا جا رہا ہے؟

زین شکیل

tumhain dil main utara ja raha hai

so youn jeevan sanwara jaa raha hai

ab apni zaat k gumbad main jaana

faqat tum ko pukara jaa raha hai

tumhain ab kya batayen waqt kese

tumharay bin guzara jaa raha hai

tumhain har shair main tarteeb de kar

ghazal ka rukh nikhara ja raha hai

sabhi kehtay hain mujh ko dekh kar yeh

wo dekho gham ka maara jaa raha hai

nahi yeh "waqt" lotay ga kabhi phir

tum aajao khudara, jaa raha hai

hamain pagal nahi kehtay to phir kiu?

hamain pathar se mara jaa raha hai

zara miqdaar chahat ki barha lo!

batao kya tumhara jaa raha hai?

Zain Shakeel

us ka naam muhabbat hai : poet zain shakeel

ہر شے کا آغاز محبت اور انجام محبت ہے

درد کے مارے لوگوں کا بس اک پیغام ، محبت ہے

یہ جو مجھ سے پوچھ رہے ہو، ’’من مندر کی دیوی کون؟‘‘

میرے اچھے لوگو سن لو،’’اُس کا نام محبت ہے!‘‘

شدت کی لُو ہو یا سرد ہوائیں، اِس کو کیا پروا

کانٹوں کے بستر پر بھی محوِ آرام محبت ہے

بِن بولے اک دل سے دوجے دل تک بات پہنچتی ہے

جو ایسے روحوں پر اُترے ، وہ الہام محبت ہے

پگلے! دامن بندھ جاتی ہے، جس کے بخت میں لکھی ہو

تم کتنا بھاگو گے، آگے ہر ہر گام محبت ہے

اب تو بس اک یاد سہارے وقت گزرتا رہتا ہے

اور اُس یاد میں ہراک صبح، ہر اک شام محبت ہے

ہم جیسے پاگل دیوانے، سود خسارہ کیا جانیں

نفرت کے اس شہر میں اپنا ایک ہی کام محبت ہے

اک لڑکی آدھے رستے میں ہار گئی اپنا جیون

وہ شاید یہ مان چکی تھی، بدفرجام محبت ہے

کچھ آلودہ روحوں والے، ہوس پجاری ہوتے ہیں

زین انہی لوگوں کے باعث ہی بدنام محبت ہے

تُو پگلی ! اب کن سوچوں میں گم صم بیٹھی رہتی ہے

بولا ہے ناں اب یہ ساری تیرے نام محبت ہے

زین شکیل

har shay ka aghaz muhabbat, aor anjam muhabbat hai

dard k maray logon ka bas ik pegham muhabbat hai

yeh jo muj se puch rahay ho, "man mandir ki devi kon?"

mere achay logon sun lo, "us ka naam muhabbat hai!"

shiddat ki loo ho ya sard hawayen is ko ka parwaa

kaanton k bistar per bhi mehv e araam muhabbat hai

bin boolay ik dil se doojay dil tak baat puhonchti hai

jo aisay roohon per utray wo ilhaam muhabbat hai

paglay! daman bandh jati hai jis k bakht main likhi ho

tum kitna bhago gay, aagay har har gaam muhabbat hai

ab to bas ik yaad saharay waqt guzarta rehta hai

aor us yaad main har ik subho har ik shaam muhabbat hai

hum jese pagal deevanay, sood khasara kya janen

nafrat k is sheher main apna aik hi kaam muhabbat hai

ik larki aadhay rastay main haat gayi apna jeevan

wo shayed yeh maan chuki thi, bad farjaam muhabbat hai

kuch aalooda rohon walay, hawas pujari hotay hain

zain inhi logon k baes hi badnaam muhabbat hai

tu pagli! ab kin sochon main gum sum bethi rehti hai

bola hai na ab yeh sari tere naam muhabbat hai

Zain Shakeel