yaar yeh jo uadiyan hain na : poet zain shakeel

یار یہ جو اداسیاں ہیں ناں

یہ کوئی بے سبب نہیں ہوتیں

ان کی ہوتی ہے ایک ذات اپنی

ان کی ہوتی ہے ایک بات اپنی

ان کے تیور کمال ہوتے ہیں

یہ کسی سے خفا نہیں ہوتیں

یہ کسی کو خفا نہیں کرتیں

ان کی عادت ہے بے ضرر کتنی

لوگ دنیا کے جو ستائے ہوں

وہ جو تنہائیوں کے مارے ہوں

ہاتھ یہ ان کا تھام لیتی ہیں

اور سب سے بڑا ہے وصف ان کا

یہ کبھی بے وفا نہیں ہوتیں

ہم ہی مردہ ضمیر لوگ ہیں بس

صرف الزام دیتے رہتے ہیں

بولتے ہیں برا اداسی کو

اس سے آنکھیں ملا کے دیکھو تو

کتنی معصوم ہے اداسی یہ

جاں سے پیارے جو لوگ ہوتے ہیں

جو کہ بچھڑے ہوئے ہوں مدت سے

بس انہی کے سبب اداسی یہ

ہم کو جتنا اداس رکھتی ہے

ان کو اتنا ہی پاس رکھتی ہے

یار یہ جو اداسیاں ہیں ناں

ان کو محسوس کر کے دیکھو ناں

یہ کوئی بے سبب نہیں ہوتیں

زین شکیل

yaar yeh jo uadiyan hain na
yeh koi be sabab nahi hoteen
in ki hoti hai aik zaat apni
in ki hoti hai aik baat apni
in k tevar kamal hotay hain
yeh kisi ko khafa nahi karteen
yeh kisi se khafa nahi hoteen
in ki adat hai be zarrar kitni
loag dunia k jo sataye hon
wo jo tanhaiyon k maray hon
hath yeh unka thaam leti hain
aor sb se bara hai wasf inka
yeh kabi be wafa nahi hoteen
hum hi murda zameer loag hain bas
sirf ilzaam detay rehtay hain
boltay hain bura udaasi ko
is se ankhen mila k dekho to
kitni masoom hai udaasi yeh
jan se pyaray jo loag hotay hain
jo k bichray huye hon muddat se
bas unhi k sabab udaasi ye
hum ko jitna udaas rakhti hai
un ko utna hi paas rakhti hai
yaar yeh jo udasiyan hain naa
in ko mehsoos kr k dekho naa
yeh koi be sabab nahi hoteen

Zain Shakeel