ہمارےبارے میں دنیا اسے بتاتی رہے
وہ آ زمانے چلی ہے تو آزماتی رہے
اب اس کا ہجر مری جان ہی نہ لے جائے
اسے کہو کہ مرے شہر آتی جاتی رہے
یقیں کرو کہ مجھے اب یقیں نہیں کرنا
ہوا سناتی ہے جو کچھ مجھے سناتی رہے
تری شبوں میں نہ اتریں عذابِ ہجر کبھی
مگر دعا ہے تجھے چاندنی ستاتی رہے
یہ انتظار ہے کیا بھانولی سے پوچھ کبھی
جو اپنے گھر کو یونہی دیر تک سجاتی رہے
لباس شہر سے لاکر ضرور پہنو مگر
خیال رکھنا کہیں سادگی نہ جاتی رہے
میں بھول جاؤں اگر زین اپنی ذات کبھی
کسی کی یاد مجھے آئینہ دکھاتی رہے
زین شکیل
hamaray baray main dunia usay batati rahay
wo aazmanay chali hai to aazmati rahay
ab us ka hijr meri jaan hi na le jaye
usay kaho k mere sheher aati jaati rahay
yakeen karo k mujhay ab yakeen nahi karna
hawa sunaati hai jo kuch mujhay sunati rahay
teri shabon main na utren azaab e hijr kabhi
magar dua hai tujhay chandni satati rahay
yeh intazaar hai kya bhanwli se pooch kabhi
jo apne ghar ko younhi der tak sajati rahay
libas sheher se laa kar zaroor pehno magar
khyaal rakhna kaheen saadgi na jati rahay
main bhool jaon agar zain apni zaat kabhi
kisi ki yaad mujhay aaina dikhaati rahay
Zain Shakeel
No comments:
Post a Comment