wo mangta hai muhabbat ka ab sila muj se : poet zain shakeel

وہ مانگتا ہے محبت کا اب صلہ مجھ سے

اسے رہا ہے سدا ہی کوئی گلہ مجھ سے

میں آج ٹوٹ کے رویا کسی کی یادوں پر

بہت خفا ہے مرا آج حوصلہ مجھ سے

کچھ اس لیے بھی مرے زخم اب نہیں بھرتے

کہ کٹ نہ جائے اذیت کا مرحلہ مجھ سے

میں ٹوٹ جاؤں اگر یاد تُو نہ آئے تو

سو ٹوٹتا نہیں یادوں کا سلسلہ مجھ سے

سدا رہوں میں اسی بدگمان کے، صدقے

کہ جس کو چاہئیے اظہار برملا مجھ سے

سو خود ہی مات کوئی ڈھونڈنے لگا ہوں میں

کہ لڑ پڑا ہے کسی غم کا قافلہ مجھ سے

زین شکیل

wo mangta hai muhabbat ka ab sila muj se

usay raha hai sada hi koi gila muj se

main aj toot k roya kisi ki yadon per

bohot khafa hai mera aaj hosla muj se

kuch is liye bhi mere zakhm ab nahi bhartay

k kat na jaye azziyat ka marhala muj se

main toot jaon agar yaad tu na aye to

so toot'ta nahi yadon ka silsila muj se

sada rahon main usi badgumaan k sadqay

k jis ko chahiye izhaar barmalaa muj se

so khud hi maat koi dhoondnay laga hon main

k larr para hai kisi gham ka qafila muj se

Zain Shakeel