udasiyon ka ujaar mosam kabi sataye to mujh se kehna : poet zain shakeel

اداسیوں کا اجاڑ موسم کبھی ستائے تو مجھ سے کہنا

نہ ان اندھیروں میں ہاتھ تم سے کوئی ملائے تو مجھ سے کہنا

مجھے یقیں ہے کہ مجھ سے بڑھ کر تمہیں کسی نے نہیں ہے چاہا

مری طرح سے کوئی تمہیں جب گلے لگائے تو مجھ سے کہنا

یہ بن سنور کر جو تم نے ماتھے پہ ایک جھومر سجا لیا ہے

مگر سجایا تھا جیسا میں نے کوئی سجائے تو مجھ سے کہنا

محبتوں میں عذاب لگتا ہے ہجر لیکن نہیں ہے ایسا

مگر نظر سے فراق تیری نظر ملائے تو مجھ سے کہنا

نہ ہر کسی پر یقین کرنا بغیر سوچے بغیر سمجھے

تمہیں کوئی بھی جو میرے بارے میں کچھ بتائے تو مجھ سے کہنا

میں تیری یادوں کی آخری حد میں نقش ایسے ہوا ہوں جاناں

خیال میرا تمہیں جو اک پل بھی بھول جائے تو مجھ سے کہنا

بہت کہا تھا یقین رکھنا کہ زین تم سے جدا نہیں ہے

اگر ذرا سا بھی میری باتوں میں فرق آئے تو مجھ سے کہا

زین شکیل

udasiyon ka ujaar mosam kabi sataye to mujh se kehna

na in andheron main hath tum se koi milaye to mujh se kehna

mujhay yakeen hai k mujh se barh kr tumhain kisi ne nahi hai chaha

meri tarah se koi tumhain jab galay lagaye to mujh se kehna

yeh ban sanwar kr jo tum ne mathay pe aik jhoomar saja liya hai

magar sajaya tha jesa main ne koi sajaye to mujh se kehna

muhabbaton main azaab lagta hai hijr lekin nahi hai aisa

magar nazar se firaaq teri nazar milaye to mujh se kehna

na har kisi per yakeen karna bagher sochay bagher samjhay

tumhain koi bhi jo mere baray main kuch bataye to mujh se kehna

meri teri yadon ki akhri hadd main naqsh aisay hua hon jaanan

khyaal mera tumhain jo ik pal bhi bhool jaye to mujh se kehna

bohot kaha tha yakeen rakhna k zain tum se juda nahi hai

agar zara sa bhi meri baton main farq aye to mujh se kehna

Zain Shakeel