ik teri yaad ko bas rakht e safar jaana hai : poet zain shakeel

اک تری یاد کو بس رختِ سفر جانا ہے

ہم نے پتھر کو بہر طور گہر جانا ہے

جس طرح کٹتی گئی رات بھی خاموشی سے

اس طرح ہم نے کسی شام گزر جانا ہے

چاند کو ہم نے بتانا ہے ترے بارے میں

آج تو ہم نے بڑی دیر سے گھر جانا ہے

زین اس کو تو اجاڑا ہے کئی صدیوں نے

ایک لمحے میں کہاں اس نے سنور جانا ہے

اور پھر میرے سوا کون سہے گا اس کو

اور پھر اس کے سوا میں نے کدھر جانا ہے

زین مالاسا ہمیں اس نے پرو رکھا ہے

ہم نے چپ چاپ کسی روز بکھر جانا ہے

زین شکیل

ik teri yaad ko bas rakht e safar jaana hai

hum ne pathar ko bahar torr gohar jana hai

jis tarah kat'ti gayi raat bhi khamoshi se

is tarah hum ne kisi shaam guzar jana hai

chaand ko hum ne batana hai tere baray main

aaj to hum ne barri derr se ghar jana hai

zain us ko to ujaara tha kayi sadiyon ne

aik lamhay main kahan us ne sanwar jana hai

aor phir mere siva kon sahay ga us ko

aor phr us k siva main ne kidhar jana hai

zain maala sa hamain us ne piroo rakha hai

hum ne chup chaap kisi roz bikhar jana hai

Zain Shakeel