hum ne socha tumhain har ghari aor pal aor kya sochtay : poet zain shakeel

ہم نے سوچا تمہیں ہر گھڑی اور پل، اور کیا سوچتے

اور کرنے کو کچھ بھی نہ تھا آج کل ، اور کیا سوچتے

آج سوچا تو آنکھوں کو بہنے سے روکا گیا ہی نہیں

پھر یہ سوچا کہ اب تم کو سوچیں گے کل، اور کیا سوچتے

میں نے تم سے فقط ساتھ چلنے کا پوچھا تھا اس واسطے

میں نے سوچا تھا تم بھی کہو گے کہ ،چل، اور کیا سوچتے

پہلے سوچا کہ اُس سے مقدر تو مل جائے گا ،ورنہ ہم

خود ہی دیں گے نصیبوں پہ پھر خاک مَل، اور کیا سوچتے

تم نے بھی سوچ رکھا تھا شامِ عزاداری ء عشق کا

ہم بھی سورج کے ہی ساتھ جائیں گے ڈھل ، اور کیا سوچتے

تم نے سوچے بنا ایک پل میں ہی صدیاں بھلا کیسے دیں؟

ہم نے تم کو ہی سوچا تھا ہر ایک پل، اور کیا سوچتے

زین شکیل

hum ne socha tumhain har ghari aor pal aor kya sochtay

aor karne ko kuch bhi na tha aaj kal aor kya sochtay

aaj socha to ankhon ko behnay se roka gya hi nahi

phir yeh socha k ab tum ko sochain gay kal aor kya sochtay

main ne tum se faqat sath chalne ka pucha tha is wastay

main ne socha tha tum bhi kaho gay k chal aor kya sochtay

pehle socha k us se muqadar to mil jaye ga warna hum

khud hi dain gay naseebon pe phir khaak mal aor kya sochtay

tum ne bhi soch rakha tha shaam e azadari e ishq ka

hum bhi sooraj k hi sath jayen gay dhal aor kya sochtay

tum ne sochay bina aik pal main hi sadiyan bhula kese deen?

hum ne tum ko hi socha tha har aik pal aor kya sochtay

Zain Shakeel