قابلِ داد ہو گئے کیسے
تم بھی آباد ہو گئے کیسے
سوچتا ہوں تمہیں بھلا کر میں
تم مجھے یاد ہو گئے کیسے
آپ معصوم سی دعا بن کر
لب پہ آباد ہو گئے کیسے
ہم تو خاموش ہی رہے بر سوں
جانے برباد ہو گئے کیسے
دشت کی دھجیاں اڑی ہوں گی
شہر ایجاد ہو گئے کیسے
تم تو معصوم تھے محبت میں
اتنے استاد ہو گئے کیسے
جن سوالوں کو میں بھلا بیٹھا
آپ کو یاد ہو گئے کیسے
کس طرح آپ آنکھ سے اترے
لب پہ فریاد ہو گئے کیسے
زین ہم نے تو سکھ بنائے تھے
درد ایجاد ہو گئے کیسے
زین شکیل
qabil e daad ho gaye kese
tum bhi abaad ho gaye kese
sochta hon tumhain bhula kr main
tum muje yaad ho gaye kese
ap masoom c dua ban kar
lab pe abaad ho gaye kese
hum to khamosh hi rahay barson
janay barbad ho gaye kese
dasht ki dhajiyan urri hon gi
sheher eijaad ho gaye kese
tum to masoom thay muhabbat main
itne ustaad ho gaye kese
jin sawalon ko main bhula betha
apko yaad ho gaye kese
zain hum ne to sukh banaye thay
dard eijaad ho gaye kese
Zain Shakeel
No comments:
Post a Comment