muhabbat k sabhi mosan guzartay ja rahay hain tum chalay ao : poet zain shakeel

محبت کے سبھی موسم گزرتے جا رہے ہیں تم چلے آؤ

سہارے، سب ستارے چاند سے گھبرا رہے ہیں تم چلے آؤ

کہا بھی تھا بچھڑ جانے سے اچھا تھا کبھی نہ تم ملے ہوتے

سنو! اب درد سارے طنز کرتے جا رہے ہیں تم چلے آؤ

تمہارے ہجر کو آباد رکھا ہے مری آنکھوں نے رو رو کر

مرے آنسو حدوں کو پار کرتے جا رہے ہیں تم چلے آؤ

ہوائیں سخت بے چینی کے عالم میں مرے چہرے کو چھوتی ہیں

مجھے اک ایک کر کے درد ملتے جا رہے ہیں تم چلے آؤ

مجھے تم نے کہا تھا روح سے اب تو جدائی ہو نہیں سکتی

سو میری روح پر پیوند لگتے جا رہے ہیں تم چلے آؤ

ہم اُس کے شہر کی ساری ہی دیواروں پہ یہ پیغام لکھ آئے

تمہارے شہر سے ہم ہاتھ ملتے جا رہے ہیں تم چلے آؤ

بھلا میں کس طرح اب زینؔ غیروں سے گلہ کرنے چلا جاؤں

مرے اپنے بھی اب چہرہ بدلتے جا رہے ہیں تم چلے آؤ

زین شکیل

muhabbat k sabhi mosan guzartay ja rahay hain tum chalay ao

saharay sab sitaray chaand se ghabra rahay hain tum chalay ao

kaha bhi tha bichar janay se acha tha kabhi na tum milay hotay

suno! ab dard saray tanz kartay ja rahay hain tum chalay ao

tumharay hijr ko abaad rakha hai meri ankhon ne ro ro kar

mere aansu hadon ko paar kartay ja rahay hain tum chalay ao

hawayen sakht bechaini k aalam main mere chehray ko chooti hain

mujhay ik aik kar k dard miltay ja rahay hain tum chalay ao

muje tum ne kaha tha rooh se ab to judayi ho nahi sakti

so meri rooh per pevand lagtay ja rahay hain tum chalay ao

hum us k sheher ki sari hi deevaron pe yeh peghaam likh aye

tumharay sheher se hum haath maltay jaa rahay hain tum chalay ao

bhala main kis tarah ab zain gheron se gila karne chala jaon

mere apne bhi ab chehra badaltay ja rahay hain tum chalay ao

Zain Shakeel