jalti ko mat aor jalao, ajao : poet zain shakeel

جلتی کو مت اور جلاؤ، آجاؤ

مت سورج سے آنکھ ملاؤ، آجاؤ

سوچوں کا دریا تم کو لے ڈوبے گا

دیکھو اتنی دور نہ جاؤ، آجاؤ

شہر کے لوگ تو چیخ پکار نہیں سنتے

میرے کان میں بات بتاؤ، آجاؤ

تم بھی تو بیتاب تھے مجھ سے ملنے کو

دور کھڑے ہو مت شرماؤ، آجاؤ

میں نے تم کو دیکھ کے بازو کھولے ہیں

میرے سینے سے لگ جاؤ، آجاؤ

لوگ کہیں تقسیم مجھے نہ کر ڈالیں

جلدی آؤ، آ بھی جاؤ، آجاؤ

بعد میں دل کی بات تمہیں سمجھاؤں گا

پہلے آ کر تم سمجھاؤ، آجاؤ

یوں میں تم کو روز بلایا کرتا ہوں

آؤ، آؤ، آؤ، آؤ، آجاؤ

زین شکیل

jalti ko mat aor jalao, ajao

mat sooraj se ankh milao, ajao

sochon ka darya tum ko le doobay ga

dekho itni door na jao ajao

sheher k loag to cheekh pukar nahi suntay

mere kaan main baat batao, ajao

tum bhi to betan thay muj se milne ko

door kharay ho mat sharmao ajao

main ne tum ko dekh k bazu kholay hain

mere seenay se lag jao ajao

loag kahin taqseem muje na kar dalen

jaldi ao, aa bhi jao, ajao

baad main dil ki baat tumhain samjhaon ga

pehle aa kr tum samjhao, ajao

youn main tum ko roz bulaya karta hon

ao, ao, ao, ao, ajao!

Zain Shakeel