ishq darya main nahi koi kinaara yaara : poet zain shakeel

عشق دریا میں نہیں کوئی کنارا یارا

تو نے کس موڑ پہ آ مجھ کو پکارا یارا

کس طرح چاند سجا آ کے ترے ماتھے پر

کیسے اترا تری آنکھوں میں ستارا یارا

جیت کا جشن بھی چھپ چھپ کے منایا تو نے

دیکھ میں کیسے ترے سامنے ہارا یارا

چیخنے لگ گئی اندر کی اداسی مجھ میں

میں نے رو رو کے تجھے اتنا پکارا یارا

ایک بھی پل نہیں کٹتا تھا تجھے دیکھے بن

اب ترے بعد کریں کیسے گزارا یارا

میں تو اب بھی ہوں تری آنکھ سے اوجھل منظر

تُو تو اب بھی ہے مجھے جان سے پیارا یارا

تم بھی اب شہر کی باتوں میں چلے آتے ہو

اب تمہیں کیسے کہوں میں ہوں تمہارا یارا

زین شکیل

ishq darya main nahi koi kinaara yaara

tu ne kis morr pe aa mujh ko pukara yaara

kis tarah chaand saja aa k tere mathay per

kese utra teri ankhon main sitara yaara

jeet ja jashn bhi chup chup k manaya tu ne

dekh main kese tere samne haara yaara

chekhne lag gayi andar ki udaasi mujh main

main ne ro ro k tujhay itna pukara yaara

aik bhi pal nahi kat'ta tha tujhay dekhay bin

ab tere baad karen kese guzara yaara

main to ab bhi hon teri ankh se ojhal manzar

tu to ab bhi hai mujhay jan se pyara yaara

tum bhi ab sheher ki baton main chalay atay ho

ab tumhain kese kahon main hon tumhara yaara

Zain Shakeel