is tarah tere khyalon main raha karna hai : poet zain shakeel

اس طرح تیرے خیالوں میں رہا کرنا ہے

ہاتھ میرا ترے بالوں میں رہا کرنا ہے

اب کوئی داد وستد بھی تو نہیں ہے ہم میں

تم نے کب تک یوں سوالوں میں رہا کرنا ہے

اب بھی وہ پیچ وہی خم ہیں تری زلفوں کے

ہم نے اب خیر اجالوں میں رہا کرنا ہے

آبلہ پائی بھی منزل پہ ہی کام آئے گی

کوئی قصہ مرے چھالوں میں رہا کرنا ہے

تجھ کو خوشیوں نے بھی اک روز بھلا دینا ہے

میں نے ہر غم کے حوالوں میں رہا کرنا ہے

میرے خوش فہم تجھے اب یہ غلط فہمی ہے

میں نے کب تیرے خیالوں میں رہا کرنا ہے!

تو نے اب بھی مرے دن مجھ سے چرا لینے ہیں

میں نے اب بھی تری چالوں میں رہا کرنا ہے

زین شکیل

 is tarah tere khyalon main raha karna hai

hath mera tere balon main raha karna hai

ab koi daad o satad bhi to nahi hai hum main

tum ne kab tak youn sawalon main raha karna hai

ab bhi wo paich wohi kham hai teri zulfon k

hum ne ab kher ujalon main raha karna hai

aabla payi bhi manzil pe hi kaam aye gi

koi qissa mere chalon main raha karna hai

tujh ko khushiyon ne bhi ik roz bhula dena hai

main ne har gham k hawalon main raha karna hai

mere khush fehem tujhay ab yeh ghalat fehmi hai

main ne kab tere khyalon main raha karna hai!

tu ne ab bhi mere din mujh se chura lene hain

main ne  ab bhi teri chaalon main raha karna hai

Zain Shakeel