is bar bhi main wajh e khasara samajh gya : poet zain shakeel

اس بار بھی میں وجہِ خسارہ سمجھ گیا

آخر دلِ تباہ دوبارہ سمجھ گیا

کچھ وہ بھی اب مزید مسیحا نہیں رہا

کچھ یوں ہوا کہ میں بھی اشارہ سمجھ گیا

تم کس طرح سے جیت گئے یہ پتا نہیں

اچھا تو اس طرح سے میں ہارا سمجھ گیا

خود کو بھی اب سراب ہی لگنے لگا ہوں میں

گرداب کو میں آج کنارہ سمجھ گیا

تم نے کہا کہ تم بھی نہیں اپنے آپ کے

میں سادہ لوح خود کو تمہارا سمجھ گیا

ہوتا رہا قصور یہی ایک عمر بھر

بے آسروں کو میں جو سہارا سمجھ گیا

زین شکیل

is bar bhi main wajh e khasara samajh gya

aakhir dil e tabah dobara samajh gya

kuch wo bhi ab mazeed maseeha nahi raha

kuch youn hua k main bhi ishara samajh gya

tum kis tarah se jeet gaye yeh pata nahi

acha to is tarah se main haara samajh gya

khud ko bhi ab saraab hi lagne laga hon main

gardaab ko main aaj kinara samajh gya

tum ne kaha k tum bhi nahi apne aap k

main sada loh khud ko tumhara samajh gya

hota raha qasoor yehi aik umr bhar

be aasron ko main jo sahara samajh gya

Zain Shakeel