har aik baat zaban k talay daba aya hon : poet zain shakeel

ہر ایک بات زباں کے تلے دبا آیا ہوں

میں اس کے پاس بڑی دور سے چلا آیا ہوں

میں قیدِ ذات میں رہ کر کبھی نہ چل پاتا

میں اس لئے ہی کہیں ذات کو چھپا آیا ہوں

اب آئینے کو بڑی حیرتوں سے دیکھتا ہوں

میں اپنا آپ کسی موڑ پر بھلا آیا ہوں

وہ جس میں تم ہی نہ تھے وہ نصیب کیا کرتا

میں تیرے بعد کہیں بخت کو سُلا آیا ہوں

خود اپنی ذات کے اک دشت میں بھٹکتا رہا

میں قافلے کو صحیح راہ پہ چلا آیا ہوں

زین شکیل

har aik baat zaban k talay daba aya hon

main us k paas bari door se chala aya hon

main qaid e zaat main reh kar kabhi na chal pata

main iss liye hi kahin zaat ko chupa aya hon

ab aainay ko bari heraton se dekhta hon

main apna aap kisi morr per bhula aya hon

wo jis main tum hi na thay wo naseeb kya karta

main tere baad kahin bakht ko sula aya hon

khud apni zaat k ik dasht main bhatakta raha

main qafilay ko sahih rah per chala aya hon

Zain Shakeel