guzar chuka hon kisi lamakan se pehle hi : poet zain shakeel

گزر چکا ہوں کسی لامکاں سے،پہلے ہی

یقین کر لیا میں نے گماں سے پہلے ہی

مجھے زمین پہ رہنے کا شوق ہی کب تھا

گرا ہوا ہوں کسی آسماں سے، پہلے ہی

یہ آپ اپنے کرم اپنے پاس ہی رکھئیے

میں مل چکا ہوں کسی مہرباں سے، پہلے ہی

مریدِ عشق ہوں دکھلاؤ مت درِ دنیا

میں منسلک ہوں کسی آستاں سے، پہلے ہی

سو اب وہ مجھ کو یونہی خرچ کرتا رہتا ہے

بچا کے رکھا تھا جس نے، ضیاں سے پہلے ہی

یہ کس لیے ہے جگر زخم زخم بولوتو

یہ تیر کس نے چلایا، کماں سے پہلے ہی

اُسی نے دیر لگا دی تھی زین آنے میں

میں آگیا تھا کوئے دلبراں سے، پہلے ہی

زین شکیل

guzar chuka hon kisi lamakan se pehle hi

yakeen kar liya main ne gumaan se pehle hi

muje zameen pe rehne ka shoq hi kab tha

gira hua hon kisi aasman se pehle hi

yeh ap apne karam apne paas hi rakhye

main mil chuka hon kisi mehruban se pehle hi

mureed e ishq hon dkhlao mat dar e dunia

main munsalik hon kisi aastan se pehle hi

so ab wo mujh ko younhi kharch karta rehta hai

bacha k rakha tha jis ne zeyan se pehle hi

yeh kis liye hai jigar zakhm zakhm kuch to kaho

ye teer kis ne chalaya gumaan se pehle hi

usi ne der laga di thi zain anay main

main agya tha kooye dilbaran se pehle hi

Zain Shakeel