chaar soo phelta ja raha hia safar kya kahon ab tumhain : poet zain shakeel

چار سو پھیلتا جا رہا ہے سفر، کیا کہوں اب تمہیں

چاند کھڑکی سے آتا نہیں اب نظر ، کیا کہوں اب تمہیں

اس نے پوچھا کہ کل شام کیسی اداسی تھی چھائی ہوئی

کل ہوا جب تمہارے شہر سے گزر، کیا کہوں اب تمہیں

جس نے ہاتھوں میں ہاتھوں کو دے کر ہماری اٹھائی قسم

سانحہ یہ ہوا کہ گیا وہ مُکر، کیا کہوں اب تمہیں

اب درختوں کے پتوں کی زردی پہ کیوں کالے بختوں کا غم

کس لئے ہو گئی شاخ بھی در بدر، کیا کہوں اب تمہیں

رات ایسی کہ جیسے ہو دن کی وہ مجبور بیوہ کوئی

دن پہ جیسے لگی ہو غموں کی مُہر ، کیا کہوں اب تمہیں

اس نےمجھ سے یہ پوچھا کہ مجھ سے محبت تو ہے نا تمہیں

میں نے اس سے کہا کہ مِرے ہم سفر، کیا کہوں اب تمہیں

تم وہی تھے ،مرے سنگ دنیا سے ڈرتے، جھجھکتے نہ تھے

پھر اچانک گئے ساری دنیا سے ڈر، کیا کہوں اب تمہیں

یہ زمانہ مرے پاس آیا تو تھا، صرف جلدی میں تھا

میں نے بھی کہہ دیا ، جاؤ پہلے گزر، کیا کہوں اب تمہیں

زین شکیل

chaar soo phelta ja raha hia safar kya kahon ab tumhain

chaand khirki se ata nahi ab nazar kya kahon ab tumhain

us ne pucha k kal shaam kesi udasi thi chayi hui

kal hua jab tumharay sheher se guzar kya kahon ab tumhain

jis ne hathon main hathon ko de kar hamari uthayi kasam

saniha yeh hua k gya wo mukar kya kahon ab tumhain

ab darakhton k patton ki zardi pe kiu kalay bakhton ka gham

kis liye ho gayi shaakh bhi darbadar kya kahon ab tumhain

raat esi k jese ho din ki wo majboor bewa koi

din pe jese lagi ho ghamon ki mohar kya kahon ab tumhain

us ne muj se pucha k mujh se muhabbat to hai na tumhain?

main ne us se kaha k mere hamsafar kya kahon ab tumhain

tum wohi thay mere sung dunia se dartay jhijhaktay na thay

phir achanak gaye sari dunia se dar kya kahon ab tumhain

yeh zamana mere pas aya to tha sirf jaldi main tha

main ne bhi keh diya jao pehle guzar kya kahon ab tumhain

Zain Shakeel