bujh bethay ko deep, jalao, chalta hon : poet zain shakeel

بجھ بیٹھے جو دیپ جلاؤ، چلتا ہوں

بیتی باتیں مت دہراؤ، چلتا ہوں

میرا ملنا تم کو راس نہیں تو پھر

تنہائی کو پاس بلاؤ، چلتا ہوں

میں بھی وقتِ رخصت، رسماً بول آیا

اب میرے گھر تم بھی آؤ، چلتا ہوں

اچھا تم سے ملنے پھر آجاؤں گا

اب جلدی ہے مان بھی جاؤ، چلتا ہوں

دیکھ کے مجھ کو فوراً چہرہ لال ہوا

بابا غصّے میں مت آؤ، چلتا ہوں

بیت رہی ہے شب مجھ کو گھر جانا ہے

تم جانے کس لمحے آؤ، چلتا ہوں

زین شکیل

bujh bethay ko deep, jalao, chalta hon

beeti baten mat dohrao, chalta hon

mera milna tum ko raas nahi to phir

tanhayi ko paas bulao, chalta hon

main bhi waqt e rukhsat rasman bol aya

ab mere ghar tum bhi ao, chalta hon

acha tum se milne phir ajaon ga

ab jaldi hai maan bhi jao, chalta hon

dekh k mujh ko foran chehra laal hua

baba ghusay main mat ao, chalta hon

beet rahi hai shab mujh ko ghar jana hai

tum janay kis lamhay ao, chalta hon

Zain Shakeel