aor ik tum ho k bas : poet zain shakeel

اوراِک تم ہو کہ بس۔۔۔

عمر کے ویراں پلوں میں 

لہلاتا سرد جھونکا

آتشی سا پیرہن اوڑھے ہوئے

آتا ہے لگ جاتا ہے سینے سے

اچانک ذات کی ویرانیاں 

آ کر اسی لمحے 

نظر کے سامنے یو ں

مشتعل انداز میں

اُدّھم مچا دیتی ہیں

جس کے بعد منظر خون آلودہ نظر آتا تو ہے

محسوس لیکن حد سے زیادہ ہونے لگتا ہے

اور ایسے میں 

اکیلا میں 

وہ تعزیراتِ چاہت کاٹنے لگتا ہوں

تن تنہا

میں اپنی ذات کی ویرانیوں میں

خود کو ہی آواز دیتا ہوں

اور اک تم ہو مسلسل جو

تماشہ دیکھنے میں محو رہتے ہو۔۔

زین شکیل

aor ik tum ho k bas

umr k veeran palon main
lehlahata sard jhonka
aatshi sa perhan orhay huye
aata hai lag jata hai seene se
achanak zaat ki veeraniyan
aa kar usi lamhay
nazar k samne youn 
mushta'il andaz main 
udham macha deti hain
jis k baad manzar khoon alooda nazar ata to hai
mehsooos lekin hadd se zyada hone lagta hai
aor aisay main
akela main
wo taazeeraat e chahat kaatne lagta hu
tan tanha
main apni zaat ki veeraniyon main
khud ko hi awaaz deta hon
aor ik tum ho musal sal o
tamasha dekhne main mehv rehtay ho...

Zain Shakeel