ab to ghar janay pe dukh hota hai : poet zain shakeel

اب تو گھر جانے پہ دکھ ہوتا ہے

یوں ٹھہر جانے پہ دکھ ہوتا ہے

اتنا مانوس نہیں ہو جاتے

پھر بچھڑ جانے پہ دکھ ہوتا ہے

وہ گلی اب بھی ہے ویسی لیکن

بس گزر جانے پہ دکھ ہوتا ہے

ایک دن ہو تو گزر بھی جائے

روز مر جانے پہ دکھ ہوتا ہے

اب یہ بچپن تو نہیں سو ہم کو

ایسے ڈر جانے پہ دکھ ہوتا ہے

صاف گوئی تھی مناسب پھر بھی

بس مُکر جانے پہ دکھ ہوتا ہے

تم جہاں ہم سے ملا کرتے تھے

اب ادھر جانے پہ دکھ ہوتا ہے

اس لئے پھول نہیں ہوتا میں

بس بکھر جانے پہ دکھ ہوتا ہے

ہم تو مقتل بھی خوشی سے جائیں

اب کدھر جانے پہ دکھ ہوتا ہے

زین شکیل

ab to ghar janay pe dukh hota hai

youn theher janay pe dukh hota hai

itna manoos nahi hojatay

phir bichar janay pe dukh hota hai

wo gali ab bhi hai wesi lekin

bas guzar janay pe dukh hota hai

aik din ho to guzar bhi jaye

roz mar janay pe dukh hota hai

ab ye bachpan to nahi so hum ko

aisay dar janay pe dukh hota hai

saaf goyi thi munasib phir bhi

bas mukar janay pe dukh hota hai

tum jahan hum se mila kartay thay

ab udhar janay pe dukh hota hai

is liye phool nahi hota main

bas bikhar janay pe dukh hota hai

hum to maqtal bhi khushi se jayen

ab kidhar janay pe dukh hota hai

Zain Shakeel