ab mere paas tum nahi aana : poet zain shakeel

اب مِرے پاس تم نہیں آنا

مسکراہٹ کے بعد کا رستہ

مجھ سے پھر طے نہ ہو سکا جاناں

تجھ سے پہلے بھی میں اکیلا تھا

میں ترے بعد بھی اکیلا ہوں

یہ مرا بخت بھی نرالا ہے

اس میں ٹھہری تھیں جس قدر خوشیاں

پہن کر وہ سیاہ لباس سبھی

بال اپنے بکھیر بیٹھی ہیں

گھر وہ اپنا اجاڑ بیٹھی ہیں

وصل کا ایک پل بھی راس نہیں

کوئی سکھ بھی تو آس پاس نہیں

کوئی میری طرح اداس نہیں

اس لئے مجھ سے دور رہنے میں

ہے ترے بخت کی بھلائی اب

احتیاطاً یہ تم سے کہتا ہوں

اپنی خوشیاں اجاڑ مت دینا

بخت کا سوگ تم نہیں کرنا

اب مِرے پاس تم نہیں آنا۔۔۔

زین شکیل

ab mere paas tum nahi aana

muskurahat k baad ka rasta
mujh se phr teh na ho saka janan
tujh se pehle bhi main akela tha
main tere baad bhi akela hon
yeh mera bakht bhi nirala hai
is main thehri theen jis qadar khushiyan
pehen kr wo seyah libas sabhi
baal apne bakher bethi hain
ghar wo apna ujaar bethi hain
vasl ka aik pal bhi raas nahi
koi sukh bhi to aas paas nahi
koi meri tarah udaas nahi
is liye mujh se door rehne main
hai tere bakht ki bhalayi ab
ehteyaatan ye tum se kehta hon
apni khushuyan uhaar mat dena
bakht ka soag tum nhi karna
ab mere paas tum nahi aana

Zain Shakeel